ni
2023/02/08
lipu ni li lipu nanpa wan pi kulupu lipu mi. kama la, mi pali e lipu sin! lipu ni la, mi toki e kulupu ni.
tan seme?
mi wile toki pona lon mute la, mi pali e ni. mi wile toki e toki pona, e mi, e ante la, mi ken pana e toki tawa lipu!
kepeken seme?
lipu ni li kepeken ilo Svelte li kepeken ilo SvelteKit. ilo ni tu li poki e kulupu lipu. ni la, mi wile e tenpo lili lon sitelen li ken sitelen li pana ala e tenpo lon ijo pi sitelen ala.
kin, mi kepeken ilo Tailwind CSS tawa lukin. ni la mi pona e lukin pi lipu ni.
sitelen la, mi kepeken ilo mdsvex. ni la, mi ken kepeken ilo Svelte lon ilo Markdown. o lukin e anpa.
0
sina ken ante e nanpa ni! ilo ni li kepeken ilo Svelte. ante pi lipu ni li kepeken ilo Markdown. ni li pona e tenpo pi pali lipu.
sitelen pona la, mi kepeken linja lipamanka. lukin ona li pona a tawa mi.
lon seme?
ale li ken lukin e toki ilo pi lipu ni lon ma GitHub. mi pana e ni tawa ilo Cloudflare la ona li pana e lipu tawa ma ale!