toki ilo

2024/04/19

lipu ni en toki pi lipu ni li pini ala.

mi wile pali e toki ilo pi toki pona. toki ilo o kepeken toki pona o pona. toki ilo li wile pona la, ona o seme? mi la ni:

1. toki ni o pona lukin tawa mi.
2. toki ni o lili.
3. toki ni o sama toki pona.

toki ilo li lili li sama toki pona la, jan ilo pi toki pona li ken kama sona e ona lon tenpo lili.

toki wan lili

ni li toki ilo lili la sina ken lukin li ken kama sona e lili pi toki mi.

nasin Piponasi li lukin e nanpa 0
	la o pana e nanpa 0.

nasin Piponasi li lukin e nanpa 1
	la o pana e nanpa 1.

nasin Piponasi li lukin e nanpa A
	la o weka e nanpa 1 tan nanpa A
	la o nasin Piponasi e ona tawa nanpa E
	la o weka e nanpa 2 tan nanpa A
	la o nasin Piponasi e ona tawa nanpa I
	la o wan e nanpa E e nanpa I
	la o pana e ona.

nasin ni
	la o toki "ale o, mi toki ilo!"
	la o nasin Piponasi e nanpa luka luka
	la o toki e ona.

jan li kepeken toki ni la, ilo o pana e toki ni:

ale o, mi toki ilo!
55

sina lukin e ale pi lipu ni la, sina sona e nasin.

nanpa

sina wile ilo e nanpa la, o kepeken nimi nanpa. nanpa li ken lon kepeken nasin tu. nanpa wan la, sina ken kepeken nasin nanpa pona.

nanpa mute ale mute tu tu // -> 2024

o sona. sina ken ala kepeken nasin nanpa pona pi sitelen lili. ni li ken ala:

nanpa MAMTT
// -> ken ala. ni li alasa e nanpa pi nimi MAMTT lon sona insa ilo.

nasin nanpa tu la, sina ken kepeken nanpa pi nasin Alapija, li ken kepeken nasin ilo ante ni.

nanpa 2024			// -> 2024
nanpa 0x7E8			// -> 2024
nanpa 0b11111101000	// -> 2024

nasin nanpa

nasin nanpa mute li lon li ken lukin e nanpa tu li pana e nanpa sin.

// nasin wan
o wan e nanpa mute e nanpa luka tawa nanpa Pana
// -> 25
o wan e nanpa luka e nanpa luka e nanpa luka tawa nanpa Pana
// -> 15

// nasin weka
o weka e nanpa luka tan nanpa mute tawa nanpa Pana
// -> 15
o weka e nanpa luka e nanpa luka tan nanpa mute tawa nanpa Pana
// -> 25

// nasin pi wan sike
o wan sike e nanpa mute e nanpa luka tawa nanpa Pana
// -> 100
o wan sike e nanpa luka e nanpa luka e nanpa luka tawa nanpa Pana
// -> 125

// nasin kipisi
o kipisi pi nanpa luka e nanpa mute tawa nanpa Pana
// -> 4

nimi

sina wile nimi e ijo la, o suli e sitelen nanpa wan.

nasin ni
	la nanpa Wan o kama nanpa 1
	la o toki e nanpa Wan.
	// -> 1

poki nimi li ken ante.

nasin ni
	la nanpa Ante o kama nanpa wan
	la o toki e nanpa Ante
	// -> 1
	la nanpa Ante o kama nanpa tu
	la o toki e nanpa Ante.
	// -> 2

nimi mute li ken lon. taso, ona ale la sitelen nanpa wan o suli. sitelen _ en sitelen - en sitelen ' li ken lon nimi.

// pona
nanpa Ijo Pi Nimi Mute

// sama toki Haskell la, sina wile e nasin poka
// pi ante lili la nasin ni li ken pona.
nasin Ijo'

// ken. taso nasa.
nanpa IjoPiNimiMute
nanpa Ijo-Pi-Nimi-Mute
nanpa Ijo-pi-nimi-mute
nanpa Ijo'Pi'Nimi'Mute

// ike
nanpa akesi

ona

ken suli la sina wile ala nimi e ijo ale. ni la o kepeken nimi ona. nimi ona li sama ijo pana pi toki pini nanpa wan. toki ni tu li sama:

nasin ni
	la o wan e nanpa wan e nanpa tu tawa nanpa N
	la o toki e nanpa N // -> 3
	la o nasin Piponasi e nanpa 10 tawa nanpa N
	la o toki e nanpa N. // -> 55

nasin ni
	la o wan e nanpa wan e nanpa tu
	la o toki e ona // -> 3
	la o nasin Piponasi e nanpa 3
	la o toki e ona. // -> 55

toki

sina wile ilo e toki la, o kepeken nimi toki.

nasin ni
	// ni tu li sama
	la o toki e toki "toki ni li lon!"
	la o toki "toki ni kin li lon!"

	// toki li ken lon poki
	la toki Kama o kama toki "o kama pona tawa toki ilo!"

	// ni tu li sama
	la o toki e toki Kama
	la o toki Kama.

toki en ijo ale ante li ken kama wan.

nasin ni
	la o wan e toki "nanpa: " e nanpa wan tawa toki N
	la o toki N.
	// -> nanpa: 1

ken

ijo ken li ken lon li ken lon ala.

nasin ni
	la ken A o kama lon
	la o toki e ken A.
	// -> lon

nasin

toki ilo la, nasin li suli a. ona li poki e lawa ilo.

nasin ilo tu li lon. nasin lili li ken lukin e sona li ken pana e sona. nasin lili li ken kepeken nasin lili ante, li ken ala kepeken nasin suli. nasin suli li ken kepeken nasin lili. nasin suli wan taso li lon.

nasin suli

open pi nasin suli la, nimi nasin ni o lon. jan li kepeken toki la, ona li kepeken nasin suli. nasin suli ni li ken kepeken nasin lili.

nasin ni
	la o toki "ale o, mi toki ilo!".

nasin lili

nasin lili li ken moku e sona ijo li ken pana e sona pi ijo ante. toki pini la, ona li sama nasin Piponasi.

nasin Piponasi li lukin e nanpa 0
	la o pana e nanpa 0.

nasin Piponasi li lukin e nanpa 1
	la o pana e nanpa 1.

nasin Piponasi li lukin e nanpa A
	la o weka e nanpa 1 tan nanpa A
	la o nasin Piponasi e ona tawa nanpa E
	la o weka e nanpa 2 tan nanpa A
	la o nasin Piponasi e ona tawa nanpa I
	la o wan e nanpa E e nanpa I
	la o pana e ona.

sina pali e nasin lili la, nasin lukin mute li ken, sama toki ni. ni la, ilo li kepeken nasin ni seme?

1. ilo li lukin e nasin lukin nanpa wan. ona li ken la, ilo li kepeken nasin ni. (nasin Piponasi li lukin e nanpa 0 la ni.)
2. ilo li lukin e nasin lukin nanpa tu. ona li ken la, ilo li kepeken nasin ni. (nasin Piponasi li lukin e nanpa 1 la ni.)
3. ilo li awen alasa lon ken ale nasin, li kepeken nasin ken nanpa wan. (nasin Piponasi li lukin ala e nanpa 0, li lukin ala e nanpa 1, li lukin e nanpa la ona li kepeken nasin ni nanpa tu wan. ante la, ilo li pini ike tan ni: nasin ala li ken.)

tu ken

nasin lili la nasin lukin mute li ken. ni la, sina ken tu e nasin.

nasin Lukin li lukin e lon
	la o toki "sina toki e lon!".

nasin Lukin li lukin e lon ala
	la o toki "toki sina li lon ala...".

nasin ni
	la ken K o kama lon
	la o nasin Lukin e ken K.
	// -> sina toki e lon!